第一天假期，雖然沒下出雨，但整天都是天陰陰，以為會沒甚麼人，結果五點到仍要等位泊車（如果天氣好肯定仲多人）﹗迪欣湖不算大，但勝在環境優美，多年前跟米高拍拖曾到此一遊，圍著湖邊漫步都可以行上個多小時，除了路邊的草地可以任坐之外，還可以踩單車和坐船仔，唯一缺點是沒有育嬰房，我們想替燒腩仔換片，工作人員教我們用家庭洗手間，但內裡其實跟傷殘人士洗手間沒分別，連換片的設施都沒有。
今次帶著燒腩仔同行，我們沒有圍著湖邊散步，反而艾菲帶了張地墊，想讓燒腩仔接觸一下大自然，讓他在草地上爬行，感受一下軟綿綿的草地，而燒腩仔都好像很喜歡，不停在草地努力地試爬（佢暫時仲未識向前爬，每次一發力都會變咗向後爬囉
），還主動伸手去拾地上的草呢﹗
我們在迪欣湖逗留了一小時左右便離開，離開前米高更特別抱燒腩仔到鐵路旁看迪士尼列車，燒腩仔當然未識甚麼是迪士尼啦，但就望著快來快去的列車發呆，哈哈...你大個識行識走之後才帶你坐啦﹗
離開迪欣湖之後我們順路去了東薈城行outlet，米高和艾菲以前不時都會去閒逛，貪這裡沒太多人又有food court方便開餐，但這次重臨感覺是超差，幾乎行到那裡都是內地人，而重點是他們真是超沒禮貌和不雅囉﹗商場通道明明很闊很大，米高推著BB車艾菲在旁並肩行，居然有個內地女人可以推著BB車撞過來，害得艾菲幾乎仆低還可以直行直過﹗而在PUMA outlet內就見到個大約八、九歲，身穿米妮裙的女孩，拿起裙伸手入襪褲內「R pat pat」，而跟她在一起的兩個內地女人就霸了整條通道試鞋囉﹗
我都有諗過帶南瓜仔去迪欣湖，但對我來說真的太遠！
回覆刪除[Ivy04/02/2013 00:00:38]我覺得可以等南瓜仔大個D識行識走先去坐船仔，又或者睇吓會唔會有機會去迪士尼酒店住兩日一夜時順路去行吓
我以為依啲新景點設施會好啲，竟然連一個換片台都冇
回覆刪除可以畀燒腩仔去草地爬爬，感受下大自然，真係幾好
[Ivy04/02/2013 00:01:49]係啦，我都估唔到佢會連呢D設施都無﹗宜家好多公園都已經有啦﹗
係草地到坐吓玩吓，唔止小朋友鐘意，大人都覺得好舒服呀﹗
一直都想去迪欣湖，係時候計劃下喇！
回覆刪除[Ivy04/02/2013 00:02:11]去啦去啦﹗襯天氣未係好熱時去就最好﹗
我咁耐都去過迪欣湖添,搵日都要帶妹豬去親親大自然至得!
回覆刪除[Ivy04/03/2013 00:02:08]小朋友多D接觸大自然係好事來架﹗
東薈城而家係好得人驚呀! 人山人海. r pat pat我可以當睇唔到, 但佢地啲橫衝直撞style我真係怕怕...避都避唔切, 至憎佢地啲喼! 反而機場T2行得好舒服...又無乜人...
回覆刪除[Ivy04/03/2013 00:03:14]無錯，真係好怕佢哋行街大晒咁款，T2我都想去，等我搵日去行吓先
強國人真係無處不在，好驚！
回覆刪除[Ivy04/04/2013 01:03:05]佢哋真係去到邊都咁強﹗我哋唯有盡量閃同避﹗
琴日都同豬脾爸講, 要去多D郊外... 希望可以實行啦
回覆刪除[Ivy04/04/2013 01:03:38]有決心就一定得架﹗去多D郊外對大人小朋友都好嘛﹗
果度幾靚又大，我和一仔爸都係依度影 pre-wedding pictures 嫁，不過果時12月都好多蚊d咬啊!
回覆刪除[Ivy04/06/2013 01:06:13]係呀﹗我第一次去都中咗招，所以今次一落車就做足防蚊措施﹗