血拼AEON

自燒腩仔出世後，艾菲每次出街shopping都不是為自己，買的全部是燒腩仔的日用品，錢就如倒水般倒出去...

之前買的都是奶咀和衫仔褲仔等小物品，直至最近燒腩仔快將五個月，開始踏入新階段學食固體食物，艾菲便又要四處張羅有關物品，碰巧AEON（吉之島3月1日開始改名做AEON）今個星期開始做BB展，艾菲當然要出手買過夠啦﹗

星期一路過九龍城AEON，見開始減價有折已經買了上面這堆東西（Combi餐具set是朋友之前送的），包括田鼠媽介紹的$12心心冰格（放假出街可以預早準備燒腩仔幾天份量的食物），TT食飯兜，奶樽柄，新幹線4 steps學習杯。

到今天正式減價又再掃了這一大堆，車車坐墊儲物箱（用來放燒腩仔D玩具），Piegon PPSU奶樽set，Holle麥粉(原價要$55，宜家只需$45.9），星星餅（宜家買$20.9，好似5-10/3買嘢可以$17.9換購），TT食具套裝（有可以吸住大部分碗嘅神奇枱墊，食物盒連spoon同零食盒都係$99，超抵﹗），朋友推介好用的咬咬樂旅行套裝（有咬咬樂一個畀BB自己食生果同蔬菜，濕紙巾兩包，出街用食物盒，食物剪同spoon &叉）。

買了這麼多東西給燒腩仔，希望他真的全部都用得著（暫時奶樽柄同學習杯step 1已經開始見到D成果），亦希望這個轉食固體食物的過程不會太難過，不要像艾菲朋友般每天餵小朋友食飯尤如打仗，小朋友食飯就如倒屎般將食物四處撥吧﹗