唔知由幾時開始，每個星期六米高就算放假，佢都係要喺屋企做咗公司嘢先出得街，而我哋亦多數會揀呢日同燒腩仔上興趣班，咁啱呢個九月中嘅星期六燒腩仔無堂上，米高亦快快手完成佢嘅工事，於是我哋去咗觀塘海濱公園慶祝呢個天跌落來嘅假期。
最近我哋愛上咗去觀塘海濱公園，最主要原因係交通方便，又對住個無敵海景兼有靚靚日落睇，唔使帶咩裝備悠悠閒閒咁散吓步坐吓影吓相，咁就過咗一個下午。
行到悶又可以入感觀花園入面玩，沿路都有D設施啱燒腩仔玩，例如呢條會郁嘅平衡木，幾好玩㗎﹗
就算BB豆豬，我哋都可以好放心咁畀佢自己行，仲可以順便畀佢學吓行樓梯。
忽然怕行草地嘅小妹妹，喺我哋不停逼佢嘗試後，一個下午就成功克服，仲行到成個小lady咁添，kakaka...
沒有留言:
張貼留言