2018年2月6日 星期二

木乃伊@科學館



自從科學館上年八月開始做木乃伊展後,艾菲知道米高好想去睇,不過一直就唔到時間平日去就拖到九月,眼見展覽十月中會完,於是趁呢個星期日落雨,反正無嘢做到去同人逼吓啦﹗



我哋有博物館全年證,所以唔使排隊買飛可以直入會場,但場內真係超級多人,而且場內燈光極暗,再加上本身對木乃伊無興趣,燒腩仔又全程喊驚嘈嘈閉,搞到艾菲勁無癮,至於全程抱住BB豆豬嘅米高都睇得好唔自在,又怕佢畀人逼親又怕佢扭,只好匆匆睇完就走。



逼完一大輪出返來,我哋去咗科學館最低層玩咗陣,有得亂玩亂摸加亂走,燒腩仔即時生猛返晒。



之後我哋見D雨仲未有耐停,去埋對面歷史博物館睇萬壽載德展,又係有博物館通行證就入得場,張證好抵買呢﹗



相對科學館嘅木乃伊,艾菲都比較鐘意呢個萬壽展,單係門口個用蝴蝶砌成嘅壽字動畫,已經靚到艾菲忍唔住企定定望左好耐,入面展出D清朝展品又真係好靚好靚,重點係呢邊無乜人行得好舒服,宜家帶住小朋友真係唔多願逼呢﹗

沒有留言:

張貼留言