完成王少清的檢查後，join了米高便一起去仁安找黃濤醫生，同樣出現full booking的情況，四點半的booking要等差不多一小時才可見醫生，跟黃醫生呻最近經常出現抖不到氣的情況，他解釋是燒腩仔頂著艾菲的橫隔膜所至（米高笑艾菲宜家呢D叫正宗頂你個肺，個仔未出世就畀佢頂住個肺
），他教艾菲睡覺要選擇側睡，抖不到氣時不要心急得深呼吸反而要細啖細啖的吸氣，然後便到每次最期待的見面時間，不過這個已經有六磅四的燒腩仔始終不太合作，只肯敷衍的給我們一個側面便算，當艾菲望著超聲波相片投訴看不清他是否大鼻，黃醫生即笑說「留返望實物好過啦」。黃醫生今次沒再恐嚇艾菲燒腩仔會隨時出世（莫非佢都見到燒腩仔未有耐出世？但米高就好似成日想燒腩仔提早出世咁囉﹗），但都循例提醒艾菲出現見紅或穿水現象要盡快入院，反而陣痛就可以數清楚才入院，他說多數BB都是在38-39周期間出世，知道艾菲過了今個星期才放產假更笑言10月1-2日出世最好，可以讓艾菲用盡假期前零後十多點時間陪著燒腩仔，哈...其實艾菲自己都很矛盾，有時想燒腩仔在艾菲放產假後即出世，可以讓艾菲有多點時間陪他，但有時又會想他不如讓艾菲先放一星期假，好好休息和享受一下最後的自由才出世，不過艾菲都明這些都是燒腩仔自己選擇，現在最重要的是他能夠健健康康平安出世，而第二重要當然是他能夠順產出世不要害艾菲緊急開刀捱一刀兼害米高多花一筆錢啦﹗
因為要回娘家做節的關係，所以跟米高到了一田買生果送禮，順道去買象印的保暖壼。本來打算待燒腩仔大個一點開始食粥才買個0.3L出街用的，不過最近發現奶奶家裡原來沒有保溫壼，為免她送飯過來醫院時會變凍，又見Baby Kingdom的媽媽說有減價便先買一個0.5L，雖然只得粉紅色的選擇，但其實都是艾菲一個用而已，反正燒腩仔都不會有興趣關心它是甚麼顏色，所以沒甚麼所謂啦﹗
據Baby Kingdom的媽媽所指，象印保溫壼較Thermos好，粥仔放室溫六小時都不會變，因替乳癌基金籌款所以做特價，平日一個0.3L保溫壼都賣三百多元，現在$278便有一個0.5L，抵﹗
加油呀IVY~~~ 好快就見到燒腩仔啦~~~
回覆刪除[Ivy09/26/2012 17:58:07]THX!!! 我宜家都開始有d緊張啦!
相信你已GET READY。加油！
回覆刪除[momo回覆09/27/2012 12:27:59]坐足月休息才是最重要。我自己都唔知ＢＢ出生後有否定時寫網誌的時間。
[Ivy09/27/2012 11:44:08]好呀，希望燒腩仔出世之後我仲會有時間update呢到啦
[momo回覆09/27/2012 11:28:06]大家加油。你這些想法，我也有呀！或許一般媽媽都是這樣。又想快些見，又怕不足月，又怕佢遲到，想多些時間於產後，又覺得大肚仔想早點放產休息。
如你有坐月的資訊，請你分享多些坐月相關的安排。
[Ivy09/27/2012 11:09:18]哈哈...係呀，呢三十幾個星期好努力去適應身體轉變，仲好神心咁四圍去搵料買野，但到宜家知道就快可以同自己個BB見面時，真係有D怪怪地的感覺，好矛盾咁想快D見到佢又想享受吓餘下的自由，驚生BB期間會唔會有意外，驚BB出世後先發現自己唔適合做媽媽...不過凡事總有第一次，只要適應左新生活應該就會ok，大家一齊加油呀﹗
[momo回覆09/27/2012 10:41:58]Ivy, 何否說多一些? 我的感覺也覺得怪怪的, 有時會覺得懷孕是作夢, 不過當被BB胎動一踢, 或是在超聲波看到BB時, 就知道是真的。而且，已很努力準備迎接ＢＢ的物品，參加講座及上網了解相關資訊，但總覺得不足夠。始終各處鄉村各處例。我沒有請陪月，努力了解相關注意事項。
[Ivy09/27/2012 10:14:47]thx!!! 不過感覺仍然好唔真實
我上個月先喺永安買左個象印0.3L, 都要279. 你呢個真係好抵呀!
回覆刪除[田鼠b回覆09/27/2012 15:06:11]0.3L出街應該會方便d既. 同埋個sales話如果裝得唔夠滿, 保溫會無咁有效. 所以你呢個喺屋企用, 一次過裝兩餐都得.
[Ivy09/27/2012 14:36:40]係呀，都係睇baby kingdom d媽媽話抵所以即買，但我都想知帶BB粥仔出街的話，0.3L會唔會方便D？