23 Week ~ 值得一讚的媽媽會禮物（二）

除了奶粉之外，身為一個媽媽最想收到的當然是尿片啦﹗夠實用又一定慳不了嘛﹗（未有燒腩仔前有想過很ideal地用尿布，然後仔細研究後發現尿布在香港實在用不了，先別說洗唔切的問題，單是找個地方用太陽曬的方法來消毒都成問題﹗）所以艾菲一早已join齊不同尿片的媽媽會，而最近便終於陸續收到它們寄來的迎新禮物，當中最值得一讚的一定是Pampers啦!

Pampers寄來的信內有會員卡，NB特級棉柔coupon（7月到期，燒腩仔到時都未出世，所以唯有將它轉贈Ice媽媽），以及一張要到荷花才可換領的試用裝coupon。

最近幾天艾菲終於有時間去荷花走一轉，試用package有兩包8片裝NB特級棉柔，一包濕紙巾和一個尿片袋（其實跟之前家庭博覧送的package一樣），另外憑Pampers會員卡可免費做四個月荷花會員，荷花職員更說可以留待需要購物時才加入荷花會，Good!

至於眾尿片媽媽會中，最快有feedback的便是思詩樂，除了思詩樂試用裝外還送上一條同公司的GOON NB尿片，雖然只有一條，但都好過無啦...

另外一個艾菲頗期待的便是Merries試用裝，見不少媽媽也推介這款紙尿片，但又不是周圍可以買兼價錢不便宜，一跟米高說便知這位慳家專員他日未必會讓燒腩仔用此貴價貨，那麼有免費試用裝領取當然要立即申請啦，至少都試用過艾菲才會心息的嘛...