經過一輪資料搜集之後，艾菲終於鎖定了MUA的目標人選，而她就是在esd life中相當出名的J'CLASSY Jacko Lee。
選她全因看中她化的妝清得來不會太淡，隆重得來不會太浮誇，最重要一點是不會出現艾菲最怕的整容妝（艾菲勁怕朋友在big day當天認不出自己囉），而她set的頭也非常別緻，正正是艾菲這個喜歡在平凡中見不平凡的人的茶。
Email問了價錢以後其實都有覺得相對其他MUA來說是貴了一點，不過正如伴娘小姐所說「一生人一次」嘛，誰叫自己
在眾多選擇中獨愛她的化妝呢，更難得的是booking勁full的她竟然有期（仲唔係上天註定﹗），於是在十二月頭立定決心致電Jacko約試妝，一約
便是個多月後的今天，艾菲放工後是即時趕往尖沙咀，拉齊伴娘小姐和冰媽媽一起幫眼。
我們一行三人到達Jacko鋪頭，擾攘了一輪討論艾菲那本在7-11隨手拿來的結婚雜誌後（自問事前準備功是做得太
hea太求其），她便即時替艾菲開壇作法，只需個多小時已經試了一個褂妝，一個婚紗妝和一個晚妝，艾菲對她的快手和不會讓人感到不舒服的手勢是即時加了不
少分數（其實仲要讚佢有交帶，因為真係無諗過佢會o係試妝一星期前打來提艾菲）。
最終經過伴娘小姐和冰媽媽兩位評審的一輪商討後，兩人一致裁定Jacko替艾菲化的妝是非常好（最重要係唔厚粉遮到
黑眼圈同無變樣囉），至於髮形則未知是否因艾菲選的款式偏向簡單style以及只是試妝關係，而令她倆覺得「唔係好見到真功夫」喎，不過都絕對是上品之作
（至少艾菲是這樣認為囉，哈...）。
基於艾菲為人實在懶惰不想再找其他MUA試妝，亦很怕有比較之後會心大心細（最死係驚自己揀完會煩有無揀錯），而且
即時confirm可免六百大元試妝費，艾菲這種怕煩的慳妹當然是即時confirm
booking啦﹗YEAH﹗又KO了一項前期功夫，可以開始將心思放在其他方面了﹗
Today趣事：
1.
話說有個傻婆，一直以為Jacko鋪頭係利時，之前去利時shopping時更低能到想探定路但搵極都搵唔到，然後今晚又勁白痴地拉大隊去o左利時，到樓
下拎地址出來想望Jacko鋪頭號數時見到「百利商場」四字即時呆o左，繼續低能地以為百利商場係銅鑼灣金百利，好彩有去過的路痴冰媽媽糾正，好唔容易先
搵到隔幾條街的百利商場。
2. 好驚﹗好驚﹗化化吓妝時，Jacko居然同Basaa
Eric講咗同一句說話，就係話艾菲似袁詠儀，最驚係Jacko話連個笑容都似，即係咁...艾菲就覺得應該係咁arm之前套《富貴門》太深入民心，大家
睇得多袁靚靚，咁艾菲隻眼都算大，所以先有呢個錯覺姐，都係果句「如果我有袁靚靚咁正就好啦﹗」
沒有留言:
張貼留言