20 Week ~ 出血＠赤柱

逛過一眾百貨公司後，艾菲始終心癢癢想買衫仔給燒腩仔，於是便又忍不住上Yahoo Blog和淘寶逛，看見很多媽媽都愛買Carter's和Baby Gap的出口衫仔給BB，又醒起赤柱有幾間專賣出口BB衫的鋪頭（其實九龍城都有而且更便宜，但款式不多亦不一定是大牌子），於是便襯星期日沒甚麼好做拉米高同行順便當郊遊散心。

怕星期日人多沒位泊車而決定坐巴士去，卻因此而第一次見到大潭水霸放水的景觀，又真係幾壯觀喎﹗

赤柱出名的大懶貓，如果艾菲都可以像牠們一樣就好了﹗嘻...成日發夢唔使做﹗

經過一輪搜尋後，艾菲終於在赤柱大街中找到其中一間鋪頭，因現在賣的大部分都是夏天衫，幾經考慮後決定先買兩條$20 Carter's口水肩和$99一set五件12月大短袖袍。後來行出去赤柱圖書館對面又見到幾間，繼而便買了一件$49的3月大長袖啪鈕間條Baby Gap，老闆娘見我們看Carter's時還叫我們摸清楚，果然是Baby Gap的質地好過Carter's﹗

之後打算收手的了，卻被艾菲無意中發現了一個隱秘商場仔，越走越入便越多BB衫鋪頭，見到有件Polo絨質初生袍很有型，但想到可能太熱兼價錢不便宜便算，但最終都是忍不到手再買了$119一set五件Carter's 3月大長袖袍。

有請燒腩仔御用model伍餐肉試穿新衫，希望燒腩仔到時啱size而且夠大個可以穿這幾件過頭笠衫仔啦﹗

買完這大堆衫仔都不過是三百多元而已，幸好燒腩仔不是女仔否則出血情況肯定更嚴重（艾菲邊揀衫給燒腩仔都忍不住勁望那些靚靚女仔裙），而米高就不停叫艾菲收手暫時不要再買...艾菲知道會有不少朋友送BB衫，亦知道初生BB穿人家的舊衫好，更知道BB衫很快就不合身，但身為燒腩仔的媽媽，總不能連一件衫也不買給他的嘛。