16 Week ~ 仔？女？仔？女？

多得燒腩仔，艾菲好不容易可以來個四連休（宜家真係豁出去，話知公司D人死，連email都懶得check），但其實一天走兩場都頗勞累的，而且每次見燒腩仔前一晚都總是睡不好就令情況更為嚴重。

晨早十點半先返娘家，去王少清健康院做檢查順便看驗血報告，一切都是預期之中的等、等、等、和等，不收分毫的服務自不然要等，度高磅重量血壓後等了接近一小時才可以見姑娘，幸好姑娘相當好人，對於艾菲的無聊問題都耐心地一一解答，然後聽燒腩仔心跳，解釋驗血報告一切正常，等醫生開病假紙後便可以離開。

因菲媽去了旅行沒飯開，所以lunch便約了Ice媽媽過來飲茶，結果飲茶後無無聊聊的兩母子一起陪我去仁安。一見黃濤醫生已即說「睇吓今次知道仔定女未先」，當他定格於開估的畫面時，Ice媽媽是即時「嘩」了一聲，艾菲還懵然不知的問甚麼事，黃醫生即搞笑地補充一句：「好明顯啦喎，咁都仲睇唔到？」然後他倆連同姑娘便解釋給艾菲知，燒腩仔是有「咕咕」的﹗Ice媽媽更即時笑問醫生那會否是燒腩仔用手扮呢﹗

其實呢...燒腩仔是仔是女艾菲和米高都一樣疼錫，只不過為免老人家失望，以及艾菲擔心生女的話會遺傳了艾菲的女人病，艾菲就當然想他是仔啦，如今開估後艾菲簡直是即時「安樂晒」，至少艾菲應該不會因買衫跟他扮靚而弄至破產啦﹗哈哈...