姐姐的樣貌跟相片中人有點差距，慶幸的是比想像中瘦和順眼，個人習慣算是乾淨企理，而整體感覺都頗純品和主動，今早沒特別吩咐她做甚麼家務，不過她一起床便立即自動自覺掃地和煲水，至少不像公司那位新同事般推一推才行一行，只望她能夠一直保持這個工作態度。
姐姐唯一的缺點是廣東話只懂些少，英文也不是很好，雞同鴨講的情況相當嚴重，連帶買餸和煮飯的工作也未能獨自完成...因一直問不到姐姐的烹飪狀況，艾菲和米高只好分工合作，米高今早帶姐姐到街市買餸，艾菲便在放工後趕回家真人示範教姐姐煮飯，而姐姐則繼續一副似明非明的樣子...
結果的確讓人有點氣餒和疲累，然而艾菲深信只要盡力去教姐姐，加上agent提供給姐姐的烹飪和廣東話班，終有一日艾菲和米高能夠脫苦海，放工回家後可以專心跟燒腩仔玩樂的﹗
同場加映：
特別鳴謝米高好友送的iBaby，姐姐來了以後我們除了要習慣將財物收好和行為檢點一些之外（例如唔可以擹係梳化睇電視，唔可以洗完頭未梳頭係間屋四圍行），便是特別安裝了這個cam。雖則艾菲上班時都沒太多時間可以長期望著這個cam，但至少對姐姐來說都有個警剔作用，讓她不要隨便傷害燒腩仔和破壞我們家的東西嘛﹗
鎖主人房門同睇實點，最重要對bb好，其實其他就算，希望她快快上手，加油
回覆刪除[Kitty回覆08/12/2012 13:05:22]同意
[Ivy08/12/2012 12:51:56]係呀，最緊要佢錫BB，而佢一直畀我感覺都鐘意小朋友，希望BB出世後佢真係如我想啦，但個心點都想佢快D上手學識買餸同煮飯（真係簡單餸就已經好OK），咁我放工返來就可以爭取時間同BB相處
iBaby 幾多錢呀！？可以在哪兒買！？
回覆刪除[嘉路回覆08/13/2012 09:13:28]唔該哂！！
[Ivy08/13/2012 02:35:05]今日路過SOGO見到BB用品部有iBaby賣，如果你有興趣可以去研究吓，我記得有媽媽講電腦中心D五六百蚊都已經有交易，最緊要有得轉角度同錄影or影相
[嘉路回覆08/12/2012 19:32:05]謝！我今日都去睇過，雜乜牌 $988，我諗住去電腦中心睇，因為我諗住買兩部，一部係房、一部係廳，所以唔想太貴！！
[Ivy08/12/2012 12:48:38]因為係朋友公司有代理，所以我都唔太清楚邊到有得買，但之前見荷花BB展有，折咗後大約$1800，暫時好似只支援iphone, ipod同ipad系列，所以唔係用iphone媽媽就要考慮清楚，我之前見有BK媽咪話去深水埗買其他IP CAM，應該唔使咁貴