心理障礙

曾幾何時，燒腩仔是個超愛底褲韆鞦和搖搖馬的BB...



但自從他滿一歲後便無原無故忽然不肯再坐，每次想放他上去都會嚎哭掙扎，就算成功放到他上去也定必哭至面容扭曲要我們放他下來，害得姨媽姨丈送給他的那隻Rody也被逼長期坐「冷板凳」。

碰巧上幼潛的第一堂便有搖搖船玩，其他小朋友都玩得超高興，唯獨燒腩仔怕得立即拉著艾菲的手示意不想玩，只是在老師半推半逼下坐了一會兒，於是下課後艾菲急急請教老師有何解救方案，老師即教艾菲要給他時間，先讓他觀察看看人家是怎樣玩，然後讓他去摸去碰以減低抗拒的感覺，當然也要大人在旁給他一點鼓勵去試啦。

密密食密密食

密密食...密密食...食完一啖又畢一啖來食...由燒腩仔十一個月大教佢用匙羹畢飯食開始，艾菲就一直期待佢可以自己好乖咁食晒成碗飯嘅呢日，終於...係五個幾月之後畀艾菲等到啦﹗



仲要只係用咗大半個鐘左右就食晒成大碗飯，兼且係食得好乾淨完全無打過仗嘅痕跡（如果D飯跌咗落餐盤到燒腩仔會自己執返落碗到再畢來食）﹗艾菲事後只需要一塊碗布抹乾淨個餐盤就OK超輕鬆﹗

望住眼前呢個好專心咁自己食飯嘅燒腩仔，艾菲真係覺得好感動﹗﹗﹗一來因為佢終於大個仔越來越明事理同獨立﹗二來係艾菲終於唔使日日捱住肚餓來餵佢啦（之前日日都要餵咗佢先有得煮嘢畀自己食，好多時都等到兩點幾先食到第一餐）﹗以後唔使再等來等去同趕頭趕命，可以兩母子係屋企慢慢撐枱腳啦﹗

拆利是

等了又等終於等到農暦十五拆利是日，不過因為今年農暦十六還有一場團拜，加上艾菲這兩星期都病到五顏六色，所以拆利是也要推遲至農暦十七才有時間拆﹗



由於燒腩仔今年有自己的利是袋，我們一家三口的利是分得相當清楚，雖然仍有不少長輩派利是給艾菲和米高，但燒腩仔除了跟我們去拜年有利是逗之外，還有爺爺嫲嫲替他四出搖距逗利是，結果他的利是堆在一起足有「兩舊磚」的size，連艾菲也忍不住叫他一聲「財主」呢﹗



當艾菲將他的利是散滿playmat後，他即興奮得狂抓狂飛眼前的利是封，當然他只是對利是封有興趣，對利是封內的錢則毫無興趣啦，所以真正拆利是的任務還是由艾菲負責。

小朋友古著

大人古著就聽得多，小朋友古著大家又有沒有聽過？艾菲說的可不是普通的小朋友二手衫，而是一件有著三十多年歴史的小朋友冷外套呀﹗



話說燒腩仔嫲嫲是個不捨得丟掉舊物的人，我們每星期帶燒腩仔回去食飯時，她都不時拿出一些陳年舊相或舊物給我們看，例如有一晚她便拿出一條紅色裙仔說是米高滿月時穿過的（男仔著裙仔？），我們看罷議論了一會兒後便著她收起（佢本來想叫米高自己keep返，但呢D咁有歴史嘅嘢我哋真係唔敢接收，萬一之後有咩損毀真係唔知點算），然後農暦新年前某晚，她又忽然拿出上面這件古著冷外套，說是米高滿月時她的朋友親手織給米高，現在可以給燒腩仔穿。

百厭星

燒腩仔最近明顯百厭星上身，玩電線，玩房門，摸「車立」門，整high chair個安全扣，搞電視機側邊D掣，衝入房搞暖風機或者抽濕機，唔危險嘅嘢佢都唔做，打佢手仔仲發你皮四，之後就尖叫鬧人趴地喪扭，基本上乜都出齊咁滯，煩到艾菲頭都大埋，然後某日艾菲係廚房整完D嘢出來，就見到佢將張Ikea凳仔反轉坐咗係到。

記得之前睇肚B媽個blog見到肚B都試過咁樣卡住咗，所以艾菲見到此情此景實在忍唔住笑到肚痛，燒腩仔見到艾菲狂笑仲以為自己做咗咩好事，完全唔知死咁跟住艾菲好興奮咁笑，然後艾菲把握機會話要同佢咜吒，佢仲好合作咁即刻望鏡頭擺晒pose添﹗kakaka...

N班interview@迦南幼稚園(麗港城)

繼之前十一月的interview後，等到頸都長才終於等到迦南的細B interview，雖說之前那間只得waiting list的回覆，燒腩仔今年十一月有沒有書讀就看今次的interview表現，然而艾菲還是懶懶閒的不太著緊，連那份問卷都是之前一晚才開工填寫，畢竟迦南並非艾菲心中的首選，地點不太就腳之後又沒有學卷，就算燒腩仔有幸獲取錄也要再籌謀K1轉校事宜（可以的話我哋唔太想讀無學卷嘅學校，始終唔想米高付擔太大呀）。



早上11:15的interview，為免燒腩仔扭計不合作我們特意提早出門，結果早了45分鐘到達藍田，有想過早點去學校，但又怕等的時間越長他越沒耐性表現就越差，於是決定先去McDonald吃個極速早餐，但等食物時看見燒腩仔一臉呆樣，艾菲大概都猜到他接下來的時間應該不會太合作。

幼潛＠15M

不經不覺，燒腩仔已經上了四堂幼潛，報名前艾菲都考慮了好一段時間，因為坊間實在太多不同類形的playgroup，而不少朋友都說playgroup只是讓那些平日沒時間跟小朋友玩的父母抽點時間出來親子，艾菲作為FTM又怎會沒時間陪燒腩仔，再加上燒腩仔本身是個主動的小朋友，playgroup對我們來說更加變得可上可不上。

然而燒腩仔畢竟是艾菲和米高的第一個小朋友，就算艾菲有再多的時間陪他，都總會怕自己不懂教而令他跟不上進度，再加上有些東西由外人教效果會比自己教好，始終我倆天天「困獸鬥」，艾菲又向來態度強硬，很容易過火破壞了親子關係而不自知，於是在米高的支持下，我們便決定報一期幼潛來試試看。


 
每次正式上堂前，老師都會先讓各位小朋友任玩玩具作warm up，到夠鐘便一起由1數到10，再要求各位小朋友幫忙收拾玩具。

16個月

今日係年初八，亦都係我16個月大嘅日子，媽媽話新精頭見到人要講「恭喜」，咁我都應吓節送個拜年look畀大家啦，頂卜卜帽係叔婆送畀我，起初我唔肯帶㗎，不過帶親媽媽都猛話我靚仔，自己照鏡睇又好似幾好睇咁，咁我宜家就好鐘意帶住佢啦﹗



嘻...入返正題先，今個月都係一日五餐，早晚兩餐飲奶，午餐晚餐食飯仔，下午茶就食零食加水果，暫時都仲係食BB專用餐，但見到大人食物我都會不停扭食，媽媽宜家出街食飯都索性帶埋較剪隨時剪食物畀我食，廢事我嘈嘈閉或者發皮四搞到佢無啖好食（艾菲：有個為食仔嘅好處係食飯坐成粒幾兩粒鐘佢都肯坐定定唔會扭落地囉）。